شذى عن ضحايا الداخلية: الإرهابي بيمنحهم مرتبة عالية في الجنة

أدانت الفنانة شذى حادث الهجوم المسلح على القول الأمني المتحرك بمدينة نصر، والذي راح ضحيته ضابطين وأمين شرطة.

ونشرت «شذى» بعض تدوينات النقيب محمد وهبة، على صفحتها الرسمية عبر موقع التواصل الاجتماعي «فيس بوك»وعلقت عليها قائلة: «مين بقى فيكوا اللي كافر، الحيوان الجبان الجاهل اللي نزل حلل روح بني آدم ربنا نفسه حرم قتلها و لا المؤمن اللي كان واقف راجل مش مستخبي ولا خايف و لا هرب و كمل لآخر لحظة في عمره يدافع عن بلده و يأمنها بس».

وأضافت: «المشكله إن الحيوان اللي بيهاجمه جبان متخفي و ملثم ولا حتى ينفع يتقال عليه راجل، كل اللي الإرهابي الجبان بيعملوا إنوا بيناول الشهيد مرتبة عالية في الجنة وبرضه بإذن ربنا مفيش حاجة ماشية من غير إذن ربنا و ده عمره وقدرهيا كافر».

وتابعت: «فبرافو كملوا يا جبناء يا جهلة، مبروك عليكوا الدنيا اللي كده كده مش دايمةو الشهداء مبروك عليكوا الشهادة و ربنا وحده قادر يصبر قلوب أهلكوا وأصحابكوا».

تدوينات النقيب محمد وهبة التي نشرتها 

جدير بالذكر أن وزارة الداخلية أعلنت، اليوم الثلاثاء، عن مقتل ضابطين، هما النقيب محمد عادل وهبة السيد، من قوة إدارة تأمين الطرق بمديرية أمن القاهرة، والنقيب أيمن حاتم عبد الحميد رفعت، من قوة مباحث قسم شرطة عين شمس، وأمين الشرطة شعبان محمد عبد الحميد، بالإضافة إلى إصابة خمسة أفراد  آخرين من الجهاز، بعد هجوم عناصر مسلحة على القول الأمني المتحرك أثناء مروره بميدان محمد زكي بطريق الواحة المتقاطع مع الطريق الدائرى بمدينة نصر.