بالفيديو| عبد الله رشدي يكشف تفاصيل اللقاء السري مع وكيل الأوقاف
قال الشيخ عبدالله رشدي إمام مسجد السيدة نفيسة، إنه كلما ظهر على محطة فضائية كان يتم استدعاؤه، ويرسل لي التفتيش ويسألوني: أنت طالع ليه وبتدافع عن الأزهر ليه؟ أنت موظف بالأوقاف متدافعش عن الأزهر وهما يطلعوا حد من عندهم وقلت لهم : دة دين وأنا بدافع عن دين ربنا سبحانه وتعالى راح الشيخ جابر طايع - وكيل الوزارة - خابطلي كدة على الكرسي وقالي : أنا بدافع عن دة .. الكرسي بتاعي ".
وأضاف "رشدي" في لقاء ببرنامج "على مسؤوليتي" المذاع على قناة "صدى البلد"، "قلت له: يعني يا مولانا بدافع عن الأزهر والدين .. يتعمل معايا كدة؟ .. راح رافع التليفون على (س) من الناس وقاله : "فين ملف الشيخ عبدالله .. جهزهولي" .. وراح قافل التليفون معاه.
وتابع"رشدي": قالي" هو احنا هنطلع نقول إن احنا وقفناك ولا عملنا معاك مشكلة عشان الإعلام يطلع ياكلنا ويقطع فينا إنك دافعت عن الازهر .. لا يا بوي أنا هعملك ملف ميخرش المية وهنجامل بيك العلمانيين"
وأردف: "أنا اتاخدت بصراحة .. فقلت له يا مولانا أنا مقولتش حاجة غلط يعني أنا قلت كذا كذا كذا .. قالي: طب مانا عارف إن غير المسلم كافر وإن المسيحيين كفار بس أنا مقدرش أطلع أقول الكلام دة على الهواء ونروح في داهية".
شاهد الفيديو
