محمد عطية عن اختيار فيلم "Moonlight" للفوز بأوسكار: يرد على عنصرية ترامب

رأى الفنان محمد عطية أن فوز فيلم "Moonlight" بجائزة "أوسكار" لأفضل فيلم ما هو إلا رسالة للرئيس الأمريكي، دونالد ترامب، ردًا على خطابه العنصري ضد المسلمين والسود.

وكتب "عطية" عبر حسابه الشخصي على موقع "فيس بوك": "أنا شفت Moonlight. الفيلم طبعا مش سيء وفيه الحد الأدنى اللي يخليه يترشح للأوسكار .. لكن كون إنه يكسب أحسن فيلم فدي حاجة مسيسة تماما زي اتجاه الأوسكار العام السنة دي ضد قرارات ترامب و أفكاره".

وتابع: "الفيلم عبارة عن كومبو مناسب تماما للاتجاه ده.. الأبطال سود البشرة والفيلم متطرق لقضية المثلية الجنسية.. فده طبعا هيخدم اتجاه الأوسكار ضد عنصرية ترامب تجاه السود و المثليين".

كذلك علّق "عطية" على فوز بطل الفيلم المسلم "ماهرشالا علي" بجائزة أفضل ممثل مساعد، وكتب: "Mahershala Ali كومبو تاني عظيم ضد أفكار ترامب.. أسود ومسلم.. يعني هو طالع في الفيلم ربع ساعة تقريبا و تمثيله لطيف.. بس أكيد ده مش أحسن ممثل مساعد".

وعن المخرج قال "عطية": "Barry Jenkins مخرج لطيف برضه والفيلم في المجمل معقول وفيه صناعة سينما ومزيكا ومونتاج كويسين.. لكن مش معقول ده خلاصة الخلاصة السنة دي ؟؟... و الفليم ده هيتحط مع The Godfather والأفلام اللي كسبت أوسكار وعظيمة ؟؟".

واختتم حديثه: "ده تالت فيلم أشوفه من الأفلام المرشحة، وفعلا الأفلام لحد دلوقتي مستواها عادي جدا و منهم اللي سيء"، مشيرًا لضعف مستوى الأفلام التي رُشحت لأوسكار.

وأُقيم حفل توزيع جوائز "أوسكار" الـ 89 في مدينة لوس أنجلوس الأمريكية، وحاز فيلم "Moonlight" على جائزة أفضل فيلم، متفوقًا على منافسه الأبرز، الفيلم الموسيقي الرومانسي La la land.