زياد العليمي عن 25 يناير: "مجاش في دماغنا إن مبارك ممكن يمشي"

أكد البرلماني السابق، زياد العليمي، أنه لم يتوقع في مقتبل الثورة، إنها ستسفر عن رحيل الرئيس المخلوع، محمد حسني مبارك.

وكتب "العليمي" عبر حسابه الشخصي على "فيس بوك"، بالتزامن مع ذكرى حلول الثورة: "زي الأيام دي كان بيتناوب عليا أحمد الجوهري وأحمد عشماوي بنفس السؤال كل يومين تقريبًا، والإجابة كانت بتختلف كل يوم عن اللي بعده"، مشيرًا لإثنين من أصدقاءه وثوار 25 يناير.

وأوضح طبيعة السؤال الذي كان يتردد قائلًا: "إيه اللي هيحصل؟ ولأن موضوع إن مبارك يمشي دة مكانش بييجي على دماغنا أصلًا، كانت الإجابات: يوم ٢٥ يناير بالليل كانت الإجابة: هنتحبس شوية ونخرج. يوم ٢٨ وقت بداية حريق الحزب الوطني: إحنا هناخد أحكام كبيرة. يوم معركة الجمل بالليل: إحنا إتعدمنا خلاص ونعمل اللي احنا عاوزينه".

وتابع "العليمي": "ومن يومها والدم قافل طريق الرجوع، ومن يومها واحنا عارفين إن أي يوم زيادة في عمرنا ربنا مديه لنا بس علشان نكمل اللي بدأناه، لأننا من يومها اتعدمنا خلاص، ونعمل اللي احنا عاوزينه، ودة اللي مش بيفهمه أي حاكم غير لما يبقى ف السجن، شكلك هتفهمها قريب.. كل سنة واحنا طيبين.. كل سنة وهما خايفين".