بالصور| بعد زيادة أسعارها.. أزمة أنابيب في قرى الإسماعيلية

سادت حالة من الغضب والاستياء بين أهالي قرى الإسماعيلية بسبب زيادة أسعار أسطوانات البوتوجاز بنسبة 100% اليوم الخميس، معربين عن غضبهم من قيمة الزيادة في سعر الإسطوانة.

وقالت سعدية عطا من عزبة الصفيح التابعة لمركز أبوصوير :"هي فين الأنبوبة ده اللي غلوا سعرها هو إحنا لاقينها أصلاً، أنا بجيب الأنبوبة ب30 جنيها لما كان سعرها الرسمي 15 جنيها، دلوقتي بعد ما بقت بـ 30 جنيها هنجيبها بكام ؟؟".

وقالت وداد السيد من عزبة الصفيح: "منهم لله ربنا ينتقم منهم ..محدش حاسس بينا إحنا بنقعد بالثلاثة أيام ندور على أنبوبة وبنشتريها بـ 30 جنيها وفي رمضان وصلت لـ 40 جنيها ..دلوقتي بعد زيادة سعرها هتوصل لـ 100 جنيه يعني ولا أيه ؟

وأكد محمد عبدالله صاحب فرن سياحي بعزبة كوبري 5، أن زيادة أسعار أسطوانة البوتوجاز التجاري من 30 إلى 60 جنيها هتأثر بشكل كبير على ارتفاع أسعار الخبز والمخبوزات، موضحًا أن الزيادة هتكون حوالي 20% في السعر خاصة أن مستلزمات الإنتاج من دقيق وزيوت وغيره هي الأخرى ستشهد زيادة بسبب زيادة سعر النقل .