شاهد.. القرموطى يستضيف فيروس كورونا على الهواء

اثار الإعلامي جابر القرموطي الجدل على وسائل التواصل الاجتماعي، بعدما أجرى حوارا تخيليا مع فيروس كورونا المستجد.

وخلال حلقة برنامجه "الكلام على إيه" على قناة "الحياة" مساء أمس، تم تجسيد فيروس كورونا على هيئة شخص مقنع، قائلا: "أقسم بالله ده كلام سوشيال ميديا وأنا مظلوم فى الليلة دى، وأنتم فى مصر بتهولوا المواضيع".
 

وأضاف: "يعني أبقى فيروس وقاعد في حالي وألاقي الناس بتتهمني في رسالة واتساب على جروب الماميز؟ طب إنتي الواد عندك عنده رشح وحرارة وبرد عادي تلبسيها لي أنا ليه وتقولي إني جتله؟ أنا أتهزأ كده في بلدكم وتركبوني المرجيحة وهاتك يا قلش وتقولوا اتنين مالهمش أمان الكورونا والإخوان".
 

وتابع: "تقلق من إيه يا عم؟! واحد قاعد في الشرابية طول عمره وآخره بيجيب سوبيا من عم حمدي ولا اختلط مع حد جاي من سفر ولا باس حد عنده كورونا يتهمني أنا ليه لو جاله حبة برد؟".

كما وجه نصائح بضرورة الوقاية من خلال الأمراض عن طريق غسل اليدين باستمرار وعدم لمس الأسطح في الأماكن العامة. 

شاهد حوار القرموطي التخيلي: